Forsíða
Um Galerie Focus
Adressa
Framsýning
Framsýningar
Listafólk
Verk til sølu
Kontakt
Um Galerie Focus

Flatmynd av Galerie Focus

Marianna Norðoy eigur og rekur Galerie Focus, sum lat upp sína fyrstu framsýning 19. juli 2002. Framsýningarnar hava verið væl vitjaðar alt árið. Um várið og heystið hava nógv ferðafólk vitjað.

Hava tygum í hyggju at keypa list? Hava tygum brúk fyri einum óbindandi práti í sambandi við tygara ynskju? So hjálpa vit fegin við ráðgeving og hugskotum.

Umframt at selja myndlist og skipa fyri framsýningum hevur Galerie Focus ráðgevandi virksemi. Vit kunnu, í samstarvi við keypara, finna tað rætta keypið, bæði tá tað snýr seg um gávur, keyp av myndlist til fyritøkuna og privat.

Galerie Focus hevur samskifti við flest øll viðurkend myndlistafólk í Føroyum, hetta gevur eitt ríkt úrval av list í at velja hjá tygum. Vit átaka okkum alt listainnkeyp og umsiting av list hjá stovnum og fyritøkum saman við teirra leiðslu. Møguligt er eisini at nýta Galerie Focus í sambandi við nýbyggjarí, umbygging ella broyting av uppsetingini av listini ið fyritøkan eigur.

Listaverk sum verða keypt úr goymslu okkara kunnu roynast har tey eru ætlaði. Ljós, litir, rúm, innbúgv og annað ávirka í stóran mun listaverkini, eisini sínamillum verða verkini ávirkaði. Tað er tí mangan neyðugt og av stórum týdningi at uppliva heildina á staðnum fyri at kunna taka eina endaliga støðu.

Lat okkum hittast millum listina og fáa ágóðan av royndunum hjá listafólkunum at ríka gerandisdagin. Vónandi hevur hetta vakt tygara áhuga, soleiðis at Galerie Focus framyvir kann gerast tygum ein virðismikil ráðgevi.

Ring til Galerie Focus

Ímillum framsýningarnar, tá Galerie Focus er stongt, eri eg at hitta á tlf. 00298 229876.

Marianna Norðoy

 

Att. Marianna Norðoy, Lambagerði 1, FO-100 Tórshavn, Faroe Islands

tlf. 00298 229876, marianna@galeriefocus.com

Framsýning í Galerie Focus er opin: týsdag til fríggjadag kl. 15 til 18, leygardag kl. 16 til 18

Fernisering er fríggjadag kl. 16 til 18

Ímillum framsýningarnar eri eg at hitta á tlf. 00298 229876